پی آئی اے کا طیارہ یوکرین میں پھنسے پاکستانیوں کو لینے کیلئے پولینڈ روانہ

دفتر خارجہ سے جاری بیان کے مطابق پی آئی اے کی پرواز آج پاکستانی وقت کے مطابق صبح 7 بج کر 15 منٹ پر پولینڈ روانہ ہوئی ۔ بیان میں بتایا گیا کہ یوکرین میں تقریباً 7 ہزار پاکستانی مقیم تھے ، جن میں 4 ہزار عام شہری جبکہ 3 ہزار پاکستانی طلبہ شامل تھے۔

دوسری جانب پی آئی اے نے اپنے ایک ٹوئٹر پیغام میں بتایا  ہے کہ حکومت پاکستان اور وزارت خارجہ کے تعاون جنگ سے متاثرہ یوکرین سے پھنسے ہوئے شہریوں کی وطن واپسی کے اقدامات کے سلسلے میں پی آئی اے نے پولینڈ کے دارالحکومت وارسا کے لیے ایک خصوصی پرواز روانہ کی گئی ہے ۔  پی آئی اے نے اپنے بیان میں مزید بتایا کہ پرواز پی کے 7788 پاکستانی شہریوں کو لے کر آج ہی واپس اسلام آباد پہنچے گی۔

#PIA, in coord with MoFA-GoP, has dispatched a special repatriation flight to #Warsaw #Poland to bring back stranded countrymen from war-hit #Ukraine. PK7788 will reach back Islamabad today carrying Pakistanis back to safety and into warmth of their families. Pakistan Zindabad! pic.twitter.com/MeY3BkPXrW

— PIA (@Official_PIA) March 8, 2022

ترجمان نے کہا کہ طیارہ وزارت خارجہ کی درخواست پر روانہ کیا گیا ہے۔ترجمان پی آئی اے عبدللہ خان نے کہا کہ حکومت پاکستان کی ہدایات پر مزید پروازیں بھی چلائی جائیں گی۔

واضح رہے کہ گزشتہ دنوں ایک پریس کانفرنس کے دوان وفاقی وزیر ہوا بازی غلام سرور خان نے کہا تھا کہ پاکستان انٹرنیشنل ایئر لائنز (پی آئی اے) پولینڈ سے پاکستانی طلبہ کو فضائی راستےسے نکالنے کے لیے انخلا کا عمل شروع کرنے کے لیے تیار ہے۔