کراچی ٹیسٹ:پاکستان 148 رنز پر آل آؤٹ

کراچی ٹیسٹ میچ میں پاکستان کرکٹ ٹیم پہلی اننگز میں 148 رنز پر آل آؤٹ ہوگئی۔ آسٹریلیا کی ٹیم نے پہلی اننگز 556 رنز 9 کھلاڑی آؤٹ پر ڈیکلئیرکردی تھی۔ آسٹریلیا نے پاکستان کو فالو اَن نہیں کروایا۔

کراچی ٹیسٹ میچ کے تیسرے روز چائے کےوقفے کےبعد میزبان ٹیم 148 رنز بناکرآل آؤٹ ہوگئی۔

پاکستان نے جب بیٹنگ شروع کی تو عبداللہ شفیق 13 رنز پر رن آؤٹ ہوئے۔

امام الحق 20 رنز پر لائن کی گیند پر کمنزکے ہاتھوں آؤٹ ہوئے۔ اظہر علی نے 14 رنز اسکور کئے۔ ان کی وکٹ اسٹارک نے لی۔

فواد عالم صفر پر اسٹارک کی گیند پر ایل بی ڈیبلو ہوئے۔ محمد رضوان 6 رنز پر کمنز کی گیند پر آؤٹ ہوئے۔ فہیم اشرف صرف 4 رنز اسکور کرسکے اور گرین کی گیند پر ایل بی ڈیبلو ہوئے۔

 ساجد خان کا اسکور صرف 5 رنز رہا۔ چائے کے وقفے تک پاکستان کا اسکور 100 رنز تھا اور 7 کھلاڑی آؤٹ ہوچکے تھے۔

چائے کےوقفے کےبعد حسن علی صفر پر رن آؤٹ ہوئے۔بابر اعظم نے 36 رنز اسکور کئے۔ شاہین آفریدی 19 رنز بناسکے۔

آسٹریلیا کی جانب سے مچل اسٹارک نے 3 وکٹ حاصل کئے۔ گرین،کمنز اور لائن نے ایک ایک وکٹ حاصل کی۔ پہلے ٹیسٹ کھیلنے والے لیگ اسپنرمچل سیوئپسن نے 2 وکٹ لئے۔ پاکستان کے دو کھلاڑی رن آؤٹ ہوئے۔