بائیڈن نے متحدہ عرب امارات کے ساتھ اسلحہ کی فروخت کا معاہدہ روک دیا

امریکی محکمہ خارجہ کی ترجمان انٹونی بلنکن  نے کہا ہے  کہ اس اقدام کا مقصد نئی انتظامیہ کو معاہدے  کا ازسرنو جائزہ لینے کا موقع فراہم کرنا ہے جو متحدہ عرب امارات اور  اسرائیل کے ساتھ تعلقات کو معمول پر لانے کے لئے کیا گیا ۔ حکومت سنبھالنے کے بعد اپنی پہلی پریس کانفرنس سے خطاب کرتے ہوئے بلنکن  کاکہنا تھا  کہ  یہ معمول کی انتظامی کارروائی ہے جو شفافیت اور بہتر حکمرانی کے لئے انتظامیہ کی وابستگی کااظہار کرتی  ہے۔  بائیڈن انتظامیہ حوثیوں کے خلاف سعودی عرب کی قیادت میں جاری فوجی آپریشن کی حمایت ختم کرنے کا اشارہ بھی دے چکی ہے۔ انٹونی بلنکن نے اس سے قبل یہ بھی  اشارہ دیا تھا کہ  جو بائیڈن انتظامیہ  اسرائیل کو قبول کرنے کے بدلے میں متحدہ عرب امارات اور بحرین سے امریکہ کے  کیے گئے وعدوں کا بھی جائزہ لے گا ۔

سابق صدرٹرمپ اور ان کے سیکریٹری برائے خارجہ مائیک پومپیو نے  دور اقتدار کے اختتامی ہفتوں میں مشرق وسطی میں  "امن معاہدوں" کے خاتمے کا جائزہ لیا تھا ۔ یہ امریکا کی جانب سے متحدہ عرب امارات کو 23 ارب ڈالرز سے زائد مالیت کے ہتھیار فروخت کیے جانے کا معاہدہ ہے ،     جس میں ایف 35 لڑاکا طیاروں اور ڈرونز سمیت فضا سے فضا میں مار کرنے والے میزائل شامل ہیں۔   یہ ٹرمپ انتظامیہ کی اب تک کی سب سے بڑی اسلحہ کی فروخت کی  ڈیل تھی   ۔

یاد رہے کہ گذشتہ برس 13 اگست کو سابق امریکی صدر ڈونلڈ ٹرمپ کی جانب سے اعلان کیا گیا تھا کہ اسرائیل اور متحدہ عرب امارات نے اپنے سفارتی تعلقات کو معمول پرلانے پر اتفاق کیا ہے۔