گریمی ایوارڈز2021 : امریکی گلوکارہ بیونسی اور ٹیلر سوئفٹ نے تاریخ رقم کردی

غیر ملکی خبر رساں ادارے کے مطابق  موسیقی کے معتبر ترین63 ویں   گریمی ایوارڈز کی شام  میں  خواتین چھا ئی رہیں ،     39 سالہ  گلوکارہ، اداکارہ اور ہدایت کارہ بیونسی نے گریمی کی تاریخ میں سب سے زیادہ ایوارڈز اپنے نام کرکے ایک نیا ریکارڈ قائم کیا ہے۔ انہوں نے سے زیادہ ایوارڈزجیتنے والی پہلی خاتون   گلوکارہ بننے کااعزاز حاصل کرلیا ۔ امریکی گلوکارہ بیونسی نے چار ایوارڈ گریمی کی تاریخ میں سب سے زیادہ ایوارڈز اپنے نام کرنے میں گلوکارہ اور موسیقارہ ایلیسن کراس کو بھی پیچھے چھوڑ دیا۔ گریمی ایوارڈ 2021 میں گلوکارہ بیونسی کو ان کے گانے ’بلیک پریڈ‘ میں بہترین آر اینڈ بی پرفارمنس کے ایوارڈ سے نوازا گیا۔

اس کے ساتھ ساتھ امریکی گلوکارہ ٹیلر سوئفٹ بھی گریمی کی تاریخ میں 3 مرتبہ البم آف دی ائیر کا ایوارڈ نام کرنے والی پہلی خاتون فنکار بن گئی ہیں۔ گلوکارہ ٹیلر سوئفٹ کو ان کے کورونا  لاک ڈاؤن کے البم ’فوک لور‘ پر ایوارڈ سے نوازا گیا ، اس سے قبل صرف تین  فنکار ایسے ہیں جنہوں نے 3 بار البم آف دی ائیر کا ایوارڈ اپنے نام کیا جن میں فرینک سنتارا، پاؤل سمن اور اسٹیو ونڈر شامل ہیں۔

گلوکارہ بلی آئیلش کو ریکارڈ آف دی ایئرکے گریمی ایوارڈ سے نوازا گیا جبکہ بہترین نئی گلوکارہ  کا ایوارڈ میگن دی سٹالین کو دیا گیا۔  کارڈی بی اور دعا لیپا بھی ایوارڈ جیتنے میں کامیاب رہیں ۔

خیال رہے کہ ا س سال کورونا کی وبا کے باعث گریمی ایوارڈز کی تقریب محدود سطح پر منعقد کی گئی جبکہ ورچوئل پرفارمنسز بھی تقریب کا حصہ تھیں۔