چڑیا گھر میں درخت گرنے سے بیوی جاں بحق  اور شوہر زخمی

تفصیلات کے مطابق   لاہور کےچڑیا گھر میں درخت گرنے سے بیوی   جاں بحق   جبکہ  شوہر زخمی  ہو گیا۔ پولیس کا کہنا ہے کہ  ثوبیہ اپنے شوہر اور بچوں کے ہمراہ چڑیا گھر آئی تھی۔اچانک درخت گرنے سے ثوبیہ کے سر پر شدید چوٹیں آئیں۔

پولیس نے کہا ہے کہ   ثوبیہ  کوتشویشناک حالت میں گنگا رام ہسپتال منتقل کیا گیا لیکن جانبر نہ ہو سکی، صدام کو زخمی حالت میں ہسپتال منتقل کر دیا گیا ہے۔پولیس نے ثوبیہ کی لاش قبضہ میں لیکر کارروائی شروع کر دی ہے۔

دوسری جانب  وزیراعلیٰ پنجاب سردار عثمان بزدار نے  لاہور چڑیا گھر میں درخت کا حصہ گرنے سے خاتون جاں بحق ہونے کے واقعہ کا نوٹس لے لیا اور  سیکرٹری جنگلات سے رپورٹ طلب کرلی ہے۔

وزیر اعلی عثمان بزدار نے  لواحقین سے دلی ہمدردی واظہار تعزیت کیا،  وزیر اعلی عثمان بزدار  نے  جاں بحق خاتون کے زخمی شوہر کو علاج معالجہ کی بہترین سہولت فراہم کرنے کی ہدایت کی ہے۔