وزیراعظم کی شب برات کے موقع پر قوم اور اُمت مسلمہ کو مبارکباد

تفصیلات کے مطابق سماجی رابطے کی ویب سائٹ ٹوئٹر پر ایک پیغام میں وزیراعظم عمران خان  نے اللہ تعالی سے دعا کی کہ وہ ہم پر رحم فرمائے اور ہمیں امن اور خوشحالی دے۔ 

قوم اور امتِ مسلمہ کو شبِ برات مبارک! اللہ پاک ہم پر رحم فرمائیں اور ہمیں امن و خوشحالی سے نوازیں، آمین۔

— Imran Khan (@ImranKhanPTI) March 18, 2022

 واضح رہے کہ آج ملک بھر میں شب برات  منائی جائے گی ، رحمتوں، فضیلتوں اور برکتوں والی شب برات کے موقع پرعبادات اور دعائیں کی جائیں گی۔  

شب برات کی اہمیت 

شعبان کی پندرہویں شب”شب برأت“کہلاتی ہےیعنی وہ رات جس میں مخلوق کوگناہوں سے بری کردیاجاتاہے۔ اس رات مسلمان نوافل کا اہتمام  کرتے ہيں،زيارتِ قبور کرتے ہيں اوررب سے مغفرت کے طلبگارہوتے ہيں۔ 

ترمذی اور ابن ماجہ سے روايت ہے کہ حضرت محمد مصطفٰی صلی اللہ علیہ وآلہ وسلم نے فرمایا کہ بیشک اللہ تعالیٰ شعبان کی پندرہویں شب آسمانِ دنیا پر جلوہ گر ہوتا ہے اور قبیلہ بنو کلب کی بکریوں کے بالوں سے زیادہ لوگوں کی مغفرت فرماتا ہے۔

اس رات کو مغفرت کی رات اوررحمت کی رات بھی کہا جاتا ہے، احادیث کی روشنی میں بلا شبہ ماہ شعبان بہت سی فضیلتوں کا حامل ہے، رمضان کے بعد آپ صلی الله علیہ وسلم سب سے زیادہ روزے اسی ماہ میں رکھتے تھے۔