اوآئی سی وزرائے خارجہ کونسل اجلاس کیلئے سرکاری نغمہ آج جاری 

تفصیلات کے مطابق  وزیر خارجہ شاہ محمود قریشی اور اطلاعات و نشریات کے وزیر چوہدری فواد حسین نغمے کا مشترکہ طور پر اجراء کیا ۔  او آئی سی وزرائے خارجہ کونسل کے آفیشل ترانے کے لانچ کی   تقریب میں وزیر خارجہ شاہ محمود قریشی نے تقریب سے خطاب کرتے ہوئے کہا کہ او آئی سی وزرائے خارجہ اجلاس کے لئے وزارت اطلاعات کی بہت کاوشیں ہیں۔

انہوں نے کہا کہ چند ماہ میں پاکستان دوسری مرتبہ امت مسلمہ کی میزبانی کر رہا ہے، امت مسلمہ کے رہنما  23مارچ پریڈ میں بھی شریک ہوں گے، مسلم امہ کو اس وقت بہت سے مسائل در پیش ہیں۔

رواں ماہ کی بائیس اور تئیس تاریخ کو اسلام آباد میں ہونے والے اسلامی تعاون تنظیم کے وزرائے خارجہ کے اجلاس کا موضوع'' اتحاد، انصاف اور ترقی کے لئے شراکت داری'' ہے۔

وزیر اعظم عمران خان اجلاس کی افتتاحی نشست سے اہم خطاب کریں گے۔اجلاس میں خصوصاً فلسطین اور جموں و کشمیر سمیت اہم امور کے ایجنڈے پر خطاب کے علاوہ اسلام مخالف پروپیگنڈے سے نمٹنے، کورونا وباء سے نجات اور امن و سلامتی، اقتصادی ترقی، ثقافتی و سائنسی تعاون اور اسلامی تعاون تنظیم کے کردار میں نئی روح پھونکنے جیسے اہم ترجیحات پراظہار خیال کیا جائے گا۔