یوم پاکستان پر مسلح افواج کی شاندار پریڈ

اسلام آباد کے شکر پڑیاں پریڈ گراؤنڈ یوم پاکستان کی مرکزی تقریب جاری ہے۔

صدر پاکستان عارف علوی ،وزیر اعظم عمران خان ،چیئرمین جوائنٹ چیفس آف اسٹاف جنرل ندیم رضا، آرمی چیف جنرل قمر جاوید باجوہ، نیول چیف ایڈمرل اجمل خان نیازی اور  ائیر وائس مارشل زبیر حسن خان یوم پاکستان کی مرکزی تقریب میں موجود ہیں۔ او آئی سی وزرائے خارجہ اجلاس کے شرکا کو بھی پریڈ میں پر مدعو کیا گیا ہے اور  او آئی سی کے فلوٹ کو خصوصی طور پر پریڈ  کا حصہ بنایا گیا ہے۔

اس سال یوم پاکستان کی مرکزی پریڈ کا تھیم ‘شاہ رہے پاکستان’ رکھا گیا ہے جو قومی ترانے سے لیا گیا ہے۔ تینوں مسلح افواج اور قانون نافذ کرنے والے ادارے پریڈ کا حصہ ہیں۔آرمڈ کور،آرٹلری،ایئر ڈیفنس اور رینجرز کے دستے بھی پریڈ کا حصہ ہیں۔ جدید ترین جے ٹین جنگی طیاروں کا فلائی پاسٹ اور ایوی ایشن فلائی پاسٹ بھی ہوگا۔

دشمن پر ہیبت طاری کرنے والے سامان حرب سے لیس مسلح افواج پریڈ میں شریک ہیں ۔ میزائل یو اے وی ناقابل تسخیر دفاع کی علامت کے طور پر پریڈ میں شامل کیا گیا ہے۔ چاروں صوبوں، آزاد کشمیر اور گلگت بلتستان کے ثقافتی فلوٹس بھی تقریب کو چار چاند لگائیں گے۔