وزیراعظم کی زیرصدارت وفاقی کابینہ کا اہم اجلاس آج ہوگا

تفصیلات کے مطابق وزیراعظم عمران خان کی زیر صدارت ہونے والے وفاقی کابینہ  اجلاس میں 16 نکاتی ایجنڈہ پر غور کیا جائے گا۔  اپوزیشن کو سینیٹ میں شکست اور آئندہ کی حکمت عملی پر مشاورت کی جائے۔ اجلاس میں پی ڈی ایم کے لانگ مارچ سے نمٹنے کی حکمت عملی بنائی جائے گی۔اجلاس میں سرکاری اداروں میں سربراہان کی خالی سیٹوں پر بریفنگ ایجنڈے میں شامل ہے جبکہ  کابینہ نیشنل بک فاونڈیشن کے ایم ڈی کی تقرری کی منظوری دے گی۔

اجلاس میں  ممنوعہ اور غیر ممنوعہ اسلحہ لائسنس کے اجرا اور کراچی ٹرسٹ بورڈ کے چیئرمین کا اضافی چارج دینے کی منظوری دی جائے گی۔نیشنل کونسل ہومیو پیتھی کے صدر اور نائب صدر کے نوٹی فیکشن   سمیت سندھ انفراسٹرکچر ڈویلپمنٹ کمپنی کے سی ای او کی تقرری کا اضافی چارج کی منظوری بھی  ایجنڈے میں شامل ہے ۔کابینہ اجلاس میں  سوشل ویلفیر فنڈ کے استعمال سے متعلق گائیڈ لائنز کی منظوری دی جائے گی۔ رولز آف بزنس 1973 میں ترامیم بھی ایجنڈے میں شامل ہے ۔کابینہ کمیٹی برائے ادارہ جاتی اصلاحات کے فیصلوں کی توثیق کی جائے گی۔کابینہ ای سی سی کے فیصلوں کی بھی توثیق کرے گی۔