بھکر: مسافر بس کی لوڈر رکشہ کو ٹکر ، 3 افراد جاں بحق

جی این این کے مطابق  افسوس ناک حادثہ پنجاب کے ضلع بھکر کے علاقے دریا خان روڈ پر  پیش آیا ، جہاں مسافر بس  نے  لوڈر رکشہ کو ٹکرماردی ،جس کے نتیجے میں 3افراد موقع پر دم توڑ گئے جبکہ  5 افراد زخمی بھی ہوئے ہیں ۔

حادثے کی اطلاع ملتے ہی  ریسکیوٹیمیں موقع پر پہنچ گئیں ، ریسکیو کے مطابق جاں بحق افراد میں 2 خواتین ایک بچی شامل ہیں ۔

جاں بحق افراد اور زخمیوں کو قر یبی ہسپتال  منتقل کر دیا گیا ۔ 

حادثے کے بعد مشتعل افراد نے مسافر بس کو آگ لگا دی ،ریسکیو عملہ آگ بجھانے میں مصروف ہے ۔