حزب اختلاف کا شروع کردہ معاملہ ہم ختم کریں گے: فواد چودھری

وفاقی وزیر اطلاعات فواد چودھری نے میڈیا سے گفتگو کرتے ہوئے کہا کہ ہم نے سپریم کورٹ میں ریفرنس پر جواب جمع کرا دیا ہے اور ہمیں سپریم کورٹ پر اعتماد ہے۔ ہمارے نزدیک سپریم کورٹ کے تمام ججز محترم ہیں۔

انہوں نے کہا کہ مسلم لیگ ن نے بینچ کے خلاف مہم شروع کی ہے اور ہم ن لیگ کی جانب سے بینچ کے خلاف مہم کی مذمت کرتے ہیں۔ یہاں معاملات آئین اور قانون کے تحت آگے چل رہے ہیں۔

فواد چودھری نے کہا کہ وکلا سیاسی وابستگی سے بالاتر ہو کر فیصلہ کرتے ہیں اور وزیر اعظم نے کہا کہ ہماری تمام توجہ 27 مارچ کے جلسے پر ہے جبکہ جو معاملہ اپوزیشن نے شروع کیا ہے اسے ختم ہم کریں گے۔

SCBAکا جواب پڑہ کر لگتا ہے سپریم کورٹ بارباڈی نون لیگ کیSubsidiary ہے وکلاء تنظیموں کا کام سیاسی جماعتوں کا آلہ کار بننا نہیں اپنی آزادانہ حیثیت برقراررکھنا ہے، عام وکیل وکلاء تنظیموں کےاس کردار سےنالاں ہے اور لاہور بار کے انتخابات میں اس گروپ کو جو شکست ہوئ وہ وکلاء کاردعمل ہے

— Ch Fawad Hussain (@fawadchaudhry) March 24, 2022

انہوں نے کہا کہ اپوزیشن نے ابھی تک جلسے کی درخواست نہیں دی اور ابھی تک اتحادی حکومت کا حصہ ہیں اور اتحادی حکومت کے ساتھ ہی رہیں گے۔

وفاقی وزیر اطلاعات فواد چودھری نے سماجی رابطے کی ویب سائٹ ٹوئٹر پر لکھا کہ سپریم کورٹ بار ایسوسی ایشن کا جواب پڑھ کر لگتا ہے سپریم کورٹ بار باڈی مسلم ن لیگ کے ماتحت ہے۔

انہوں نے کہا کہ وکلاء تنظیموں کا کام سیاسی جماعتوں کا آلہ کار بننا نہیں بلکہ اپنی آزادانہ حیثیت برقراررکھنا ہے۔

فواد چودھری نے کہا کہ وکلاء تنظیموں کے اس کردار سے عام وکیل نالاں ہے اور لاہور بار کے انتخابات میں اس گروپ کو جو شکست ہوئی وہ وکلاء کاردعمل ہے۔