کورونا کیسز میں اضافہ، خیبرپختونخوا کے 9 اضلاع میں اسکول بند کرنے کا فیصلہ

تفصیلات کے مطابق پشاور میں وزیراعلی ٰ محمود خان کی زیرصدارت صوبائی ٹاسک فورس برائے کورونا کا اجلاس ہوا جس میں  صوبے میں بڑھتے کورونا کیسز کے پھیلاؤ کو روکنے کیلئے  9  اضلاع میں اسکول بند کرنے کا فیصلہ کیا گیا ہے ۔  ان میں پشاور، نوشہرہ، چارسدہ، مردان، صوابی، کوہاٹ، سوات، لوئر دیر اور مالاکنڈ میں کل سے اسکول بند  کیے جائیں گے ، ان اجلاس میں کہا گیا کہ جن اضلاع میں کورونا پھیلنے کی شرح 10 سے 13 فیصد کے درمیان ہے وہاں  اسکولوں کی بندش کے دوران اسٹاف آئے گا اور والدین ہوم ورک کے لیے اسکول آسکیں گے۔ 

واضح رہےکہ ملک میں کورونا کی تیسری لہر کے بعد ملک بھر میں ایک بار پھر کورونا کی پابندیاں نافذ کردگئی ہیں جبکہ پنجاب کے بعض شہروں میں تعلیمی اداروں میں موسم بہار کی تعطیلات کا اعلان بھی کیا گیا ہے۔ 

خیبرپختون خوا میں کورونا وائرس سے متاثرہ مریضوں کی تعداد 76 ہزار   379ہوچکی ہے  جبکہ  صوبے میں2169 افراد چل بسے۔ 

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید58  افراد چل بسے جس کے بعد اموات کی مجموعی تعداد 13 ہزار595ہوگئی ہےجبکہ ملک میں کورونا کے فعال کیسز کی تعداد 23 ہزار 355ہے، اب تک کورونا کے  6 لاکھ 9ہزار 964کیسز رپورٹ ہوچکے ہیں ۔