حکومتی وفد کی ایم کیو ایم پاکستان کے رہنماؤں سے ملاقات

تفصیلات کے مطابق ایم کیو ایم پاکستان کی جانب سے وفاقی وزرا سے ملاقات کرنے والے رہنماؤں میں وفاقی وزرا سید امین الحق، بیرسٹر فروغ نسیم، جاوید حنیف اور صادق افتخار شامل تھے۔

شاہ محمود قریشی نے ایم کیو ایم پاکستان کے رہنماؤں سے ہونے والی ملاقات کے بعد کہا کہ خیر سگالی کا پیغام لے کر ایم کیو ایم کے پاس گئے تھے۔

انہوں نے پیغام کے متعلق بتایا کہ وہ یہ تھا آپ ہمارے دوست ہیں، ساتھ چلتے رہیں گے، ملاقاتوں کا سلسلہ جاری رہے گا۔

شاہ محمود قریشی نے کہا کہ ہماری ملاقات مثبت و مفید رہی اور انتہائی خوشگوار ماحول میں ہوئی۔

ان کا کہنا تھا کہ ایم کیو ایم پاکستان نے واضح کیا ہے کہ پیپلزپارٹی کے ساتھ کوئی معاہدہ نہیں ہوا ہے، پیپلزپارٹی اس حوالے سے غلط بیانی کر رہی ہے۔