ن لیگ کا مہنگائی مکاؤ مارچ گوجرانوالہ میں موجود 

تفصیلات کے مطابق مریم نواز اور حمزہ شہباز بلٹ پروف گاڑیوں میں سوار  ہیں ، لانگ مارچ کو ماڈل ٹاون سے روانہ ہوئے گیارہ گھنٹے بیت چکے ہیں ۔ مسلم لیگ ن کی قیادت کی قیام گاہ کے اردگرد سکیورٹی ہا ئی الرٹ کردی گئی ، گوجرانوالہ پولیس کی بھاری نفری نے قیام گاہ کی سکیورٹی سنبھال لی ۔ مریم نواز اور حمزہ شہباز دو بجے کے بعد لانگ ما رچ کی قیادت کر تے ہو ئے اندرون شہر پہنچیں گے۔

اس سے قبل مریم نواز نے کارکنوں سے خطاب میں کہا کہ بڑا باؤلر بنا پھرتا تھا نوازشریف نے دو درجن وکٹیں اڑا دیں۔ انہوں نے کہا کہ لندن میں بیٹھ کر ایسی مار ماری اب چھپنے کی جگہ نہیں مل رہی، نوازشریف جلدآپ کے سامنے ہوں گے۔

ان کا کہنا تھا کہ عمران خان کو بنی گالہ سے نہیں بلکہ پاکستان سے باہر پھینک دیں گے۔

کارکنوں سے خطاب میں حمزہ شہباز کا کہنا تھا کہ عمران نیازی تم نے جتنے سرپرائز دینے تھے دے دیے، اب قوم تمہیں سرپرائز دے گی۔

واضح رہے کہ ریلی میں تاخیر کے باعث گزشتہ روز گوجرانوالہ کا جلسہ ملتوی کردیا گیا تھا، جلسہ آج دوپہر تین بجے ہوگا ۔ مسلم لیگ (ن) کا مارچ کل 28 مارچ کو اسلام آباد پہنچے گا۔