اسلام آباد میں آج بڑا پاور شو، تحریک انصاف عوامی طاقت کا مظاہرہ کرے گی 

پاکستان تحریک انصاف کی اسلام آباد میں امر بالمعروف کے نام سے   جلسے اور پاور شو کی تیاریاں مکمل ہو گئی ہیں، 30 فٹ چوڑا اور 100 فٹ لمبا مرکزی سٹیج تیار کر لیا گیا۔ کرسیاں لگ گئیں اور  ساونڈ سسٹم، سکرین کی تنصیب کا کام بھی مکمل کرلیا گیا۔

جلسے میں شرکت کیلئے گلگت بلتستان سمیت ملک کے دیگر شہروں سے کارکنان اسلام آباد پہنچنے کا سلسلہ جاری ہے۔ پی ٹی آئی نے خواتین کی جلسے میں شرکت کیلئے خصوصی انکلوژر تیار کرلیا۔ خواتین انکلوژر کو حفاظتی شیٹس اور خاردار تار لگاکر الگ کردیا گیا۔ لائٹنگ اور بجلی کے انتظام کیلئے جنریٹر بھی نصب کر دی گئی۔

تحریک انصاف کے رہنماوں نے مختلف اوقات میں جلسہ گاہ کا دورہ کرکے انتظامات کا جائزہ لیا۔ جلسہ گاہ میں تحریک انصاف کی کارکنوں کی آمد کا سلسلسہ بھی جاری ہے۔ گلگت ،  خیبرپختونخوا سے بھی قافلے آج روانہ ہونگے۔

جلسہ گاہ میں وزیراعظم عمران خان اور پارٹی کی اعلیٰ قیادت کی انٹری مری روڈ سے ہوگی ۔ وفاقی پولیس اور انتظامیہ کے افسران نے سکیورٹی کے فول پروف انتظامات کیے ہیں۔