عمران نیازی کے دور میں  مہنگائی ، بدترین کرپشن ایک سچ ہے : شہباز شریف

تفصیلات کے مطابق مسلم لیگ ن کے صدر شہباز شریف نے مہنگائی مکاؤ مارچ  میں شرکت کیلئے عوام کے نام ایک ویڈیو پیغام میں  جاری کیا  ہے ، جس میں شہباز شریف نے کہا ہے کہ عوام کو قائدِ ن لیگ نواز شریف کا ایک اہم پیغام دینا چاہتا ہوں ۔

انہوں نے کہا کہ  عمران نیازی دور میں سب سے اونچی سطح پر مہنگائی، بدترین غربت اور بدترین کرپشن ایک سچ ہے۔

شہبازشریف  نےکہا کہ عوام مریم اور حمزہ کے ساتھ نکل کر ظالم حکومت سے نجات حاصل کریں ،  اللّٰہ تعالیٰ آپ کی اس ہمت اور ان کاوشوں کو کامیاب کرے گا۔

شہباز شریف نے کہا کہ عمران نیازی کے بدترین دور میں عام آدمی کےساتھ ظالمانہ رویہ ایک سچ ہے۔

انہوں نے عوام سے اپیل کرتے ہوئے کہا کہ عوام اٹھیں اور مہنگائی مکاؤ مارچ میں جوق درجوق شریک ہوں اور اس کرپٹ حکومت کا خاتمہ کر کے  پاکستان کی 22 کروڑ عوام کا  مستقبل بچا لیں۔

عمران نیازی کے دور میں بدترین مہنگائی ، کرپشن ایک سچ ہے، شہباز شریف #GNN #GNNUpdates pic.twitter.com/MM1DM0H6ED

— GNN (@gnnhdofficial) March 27, 2022

واضح رہے کہ پاکستان مسلم لیگ (ن) کی نائب صدر مریم نواز اور حمزہ شہبازکی قیادت میں حکومت کیخلاف مہنگائی مکاؤ مارچ لاہور سے گوجرانوالا پہنچ  چکا ہے ۔  ریلی میں تاخیر کے باعث گزشتہ روز گوجرانوالہ کا جلسہ ملتوی کردیا گیا تھا، جلسہ آج دوپہر تین بجے ہوگا۔مسلم لیگ (ن) کا مارچ کل 28 مارچ کو اسلام آباد پہنچے گا۔