پی ڈی ایم سربراہی اجلاس، مریم نواز کا نواز شریف سے متعلق بیان پر آصف زرداری کو جواب

پی ڈی ایم کے سربراہی اجلاس سے خطاب کرتے ہوئے جب  آصف زرداری نے کہا کہ میاں صاحب پلیز پاکستان تشریف لائیں، لڑنا ہے تو سب کو جیل جانا پڑے گا، میاں صاحب آپ پنجاب کی نمائندگی کرتے ہیں، اگر جنگ کو تیار ہیں تو واپس وطن آنا ہوگا۔

مریم نواز نے آصف زرداری کو جواب میں کہا کہ میرے والد نے میرے سامنے نیب کی 150 پیشیاں پاکستان میں بھگتی ہیں،  مجھے والد کے سامنے گرفتار کیا گیا، میاں صاحب میری والدہ کو بستر مرگ پر چھوڑ کر پاکستان آئے، جو کیسز کی حقیقت ہے وہ سب کے سامنے ہے،۔

مریم نواز نے مزید کہا کہ  میں اپنی مرضی سے یہاں ہوں، جیسے آپ ویڈیو لنک پر ہیں ویسے ہی میاں صاحب بھی ویڈیو لنک پر ہیں ، نیب کی تحویل میں میاں صاحب کی زندگی کو خطرہ ہے،وہ پاکستان واپس کیسے آئیں ۔ میرے والد کو جیل میں دو ہارٹ اٹیک ہوئے ہیں، آصف زرداری گارنٹی دیں کہ میرے والد کی جان کو پاکستان میں خطرہ نہیں ہوگا۔

مریم نواز نے کہا کہ  مسلم لیگ ن نے سب سے بڑی جماعت ہونے کے باوجود پی ڈی ایم کا ساتھ دیا ، پی ڈی ایم کے فیصلوں پر عمل کیا اور کرایا، پوری مسلم لیگ ن نے یوسف رضا گیلانی کو ووٹ دیئے ، پیپلز پارٹی استعفوں کے خلاف تھی، مسلم لیگ ن نے اتفاق رائے کے لئے آپ کی حمایت کی،  سب جماعتوں کا اتفاق تھا، اب استعفوں پر عمل درآمد ہونا چاہیے۔