سارہ ایورارڈ کو انصاف کی فراہمی کیلئے احتجاجی مظاہرے تیسرے روز بھی جاری

تفصیلات کے مطابق  برطانوی پولیس تاحال سارہ قتل کیس کی الجھتی گتھی کو سلجھا نہ سکی۔ہزاروں شہریوں نے وسطی لندن سمیت سکاٹ لینڈ یارڈ کے مرکزی دفتر کے سامنے دھرنا  دے دیا۔مظاہرین ہاتھوں میں بینرز تھامے  پولیس مخالف نعرے بازی کرتے رہے۔پولیس نے ایک بار پھرمتعدد مظاہرین کو گرفتار کرلیا۔

پارلیمنٹ اسکوائر پر  بھی احتجاج کی وجہ سے اطراف میں ٹریفک کی روانی شدید متاثر ہوئی۔برطانوی خواتین آج بھی سارہ ایورارڈ کی یاد میں شمعیں روشن  کر کے  اورپھول رکھ کر اظہار یکجہتی کرتے نظر آئیں۔

پولیس نے سینڈ وِچ ، کینٹ میں  سارہ ایوارڈ قتل کیس بارے لوگوں سے پوچھ گچھ کی اورعلاقے میں مختلف مقامات پر چھان بین کر کے شواہد اکھٹے کیے۔پولیس چیف  سارہ قتل کیس کی ابتک کی صورتحال بارے بریفنگ دینے کیلئے ٹین ڈاؤننگ اسٹریٹ پہنچ گئی۔

واضح رہے کہ 33 سالہ مس سارہ ایورارڈ 3 مارچ کو جنوبی لندن میں اپنی دوست سے ملنے گئی اور لاپتہ ہوئیں تھیں لیکن واپس گھر نہیں پہنچی ۔بعد میں سارا کی لاش ٹکڑوں کی صورت میں 11 مارچ کو کینٹ کے علاقے سے ملی تھی۔