میرا جینا مرنا اپنی پارٹی اور عوام کے ساتھ ہے: عثمان بزدار

تفصیلات کے مطابق  سردار عثمان بزدار  سے صوبائی وزراء اور اراکین پنجاب اسمبلی کی ملاقاتیں ہوئی ہیں۔ اس موقع پر عثمان بزدار نے کہا کہ عہدہ آنی جانی چیز ہے، سیاست کو عبادت سمجھتا ہوں، اپوزیشن کی منفی سیاست کا نقصان ملک و قوم کو ہو رہا ہے ۔ان کاکہنا تھاکہ کپتان کے ساتھ کھڑا ہوں اور ہمیشہ کھڑا رہوں گا۔ 

عثمان بزدار سے ملاقات کرنے والوں میں سردار آصف نکئی، آشفہ ریاض، اختر حیات ، سلیم سرور جوڑا، لیاقت علی، عامر نواز چانڈیا اور دیگر شامل تھے۔

واضح رہے کہ دو روز قبل وزیر مملکت فرخ حبیب نے دعویٰ کیا تھا کہ وزیر اعلیٰ پنجاب عثمان بزدار نے اپنا استعفیٰ وزیر اعظم کو پیش کردیا ہے۔