پاکستان میں کورونا سے تیسرے  دن بھی کوئی ہلاکت رپورٹ نہیں ہوئی 

تفصیلات کے مطابق  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران کوئی ہلاکت رپورٹ نہیں ہوئی  جس کے بعد اموات کی مجموعی تعداد 30ہزار 361ہے ۔

گزشتہ 24 گھنٹوں کے دوران148کیسز رپورٹ ہوئے  جس کے بعد کورونا کیسز کی مجموعی تعداد 15 لاکھ 25ہزار 923ہوگئی ہے ۔ 

قومی ادارہ صحت  کے مطابق  ملک بھرمیں کوروناایکٹو کیسز کی تعداد9ہزار 098ہوگئی، گزشتہ24گھنٹوں میں 212 افرادکوروناسےشفا یاب ہوئے  ہیں جبکہ  اب تک14لاکھ86ہزار464مریض  کورونا سےصحت یاب ہوچکےہیں۔ 

قومی ادارہ صحت کے مطابق  گزشتہ24گھنٹوں میں کوروناکے26ہزار413ٹیسٹ کیےگئے  ہیں۔ پاکستان میں کوروناکے310مریضوں کی حالت تشویشناک ہے   جبکہ  کوروناکےمثبت کیسزکی شرح0.56 فیصدرہی۔ 

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔