ٹی ٹوئنٹی میچ: آسٹریلیا نے پاکستان کو شکست دے دی

قذافی اسٹیڈیم میں کھیلے  گئے میچ میں آسٹریلیا نے پاکستان کی جانب سے دیا گیا 163 رنز کا ہدف سات وکٹوں کے نقصان پر 20 ویں اوور میں حاصل کر لیا۔

آسٹریلیا کے کپتان نے میچ وننگ اننگز کھیلی، انہوں نے 55 رنز بنائے۔ پاکستان کی جانب سے شاہین، محمد وسیم اور عثمان قادر نے دو دو کھلاڑیوں کو آؤٹ کیا۔

اس سے پہلے آسٹریلیا نے پاکستان کے خلاف ٹاس جیت کر بولنگ کا فیصلہ کیا۔

قومی ٹیم نے پہلے بیٹنگ کرتے ہوئے مقررہ 20 اوورز میں 8 وکٹوں پر162 رنز بنائے، کپتان بابر اعظم 66 رنز بناکر نمایاں رہے۔

پاکستان کی جانب سے کپتان بابر اعظم نے ایک مرتبہ پھر شاندار کارکردگی کا مظاہرہ کرتے ہوئے 2 چھکوں اور 6 چوکوں کی مدد سے 46 گیندوں پر 66 رنز کی اننگز کھیلی۔

محمد رضوان 23، فخر زمان صفر، آصف علی 3، افتخار احمد 13 اور حسن علی 10، خوشدل شاہ 24 اور شاہین شاہ آفریدی صفر پر پویلین لوٹے، محمد وسیم جونیئر 2 اور عثمان قادر نے 18 سکور بناکر ناٹ آؤٹ رہے۔

اس طرح پاکستان نے مقررہ 20 اوورز میں 8 وکٹوں کے نقصان پر 162 رنز بنائے۔

کینگروز کی جانب سے نیتھن ایلس نے سب سے زیادہ 4 وکٹیں حاصل کیں، کیمرون گرین نے 2، شان ایبٹ اور ایڈم زمپا نے 1،1 وکٹ حاصل کی۔