چیئرمین تحریک انصاف کا عوامی جلسوںسے خطاب کا اعلان

تحریک انصاف کے سینیٹر فیصل جاوید خان نے سماجی رابطے کی ویب سائیٹ ٹوئیٹر پر جاری اپنے پیغام میں کہا کہ چیئرمین پاکستان تحریک انصاف عمران خان بدھ کے روز خیبرپختونخوا کے دارلحکومت پشاور میں جلسے سے خطاب کریں گے۔

انہوں نے امپورٹڈ حکومت نامنظور کا ہیش ٹیگ استعمال کرتے ہوئے کہا کہ عوام اب نئے انتخابات کا مطالبہ کر رہے ہیں۔

پشاور تیار ہو؟ چیرمین پاکستان تحریک انصاف عمران خان انشاء اللہ پرسوں بدھ کے روز خیبرپختونخوا کے دارلحکومت پشاور میں جلسے سے خطاب کریں گے- #امپورٹڈ_حکومت_نامنظور عوام اب نئے انتخابات کا مطالبہ کر رہے ہیں- انشاء اللہ منزل قریب ہے پاکستان - ایک خوددار پاکستان

— Faisal Javed Khan (@FaisalJavedKhan) April 11, 2022

فیصل جاوید کا اپنے ٹوئیٹر پیغام میں کہنا تھا کہ ایک خوددار پاکستان کی منزل قریب ہے۔

اس سے قبل پی ٹی آئی رہنما علی حیدر زیدی نے ٹوئیٹر پر جاری ایک پیغام میں کہا تھا کہ چیئرمین پی ٹی آئی عمران خان 17 اپریل کو کراچی آرہے ہیں۔

انہوں نے کہا کہ چیئرمین تحریک انصاف عمران خان مزار قائد کراچی میں تاریخی جلسے سے خطاب کریں گے۔

کراچی!!

کپتان آرہا ہے!

جلسہ عام - مزار قائد

بروز اتوار، 17 اپریل 2022

بوقت رات 9 بجے#امپورٹڈ_حکومت_نامنظور#امپورٹڈ_گورمنٹ_نامنظور

— Ali Haider Zaidi (@AliHZaidiPTI) April 11, 2022

علی زیدی نے کہا کہ چیئرمین عمران خان کے ہمراہ پی ٹی آئی کی دیگر رہنما بھی جلسے میں موجود ہوں گے جبکہ جلسے کا آغاز 17 اپریل کو رات 9 بجے ہوگا۔