کورونا کی پانچویں لہر میں مسلسل کمی، مثبت کیسز کی شرح 0.28 فیصد پر آگئی

تفصیلات کے مطابق  نیشنل کمانڈ اینڈ آپریشن سینٹر(این سی او سی) کے مطابق گزشتہ 24 گھنٹے میں کورونا سے  ایک مریض  انتقال کرگیا  ، جس کے بعد  ملک میں اموات کی مجموعی تعداد 30ہزار 362ہوگئی ہے ۔

سرکاری اعداد و شمار کے مطابق ملک میں 24 گھنٹے میں  کورونا وائرس کے21ہزار437ٹیسٹ کیےگئے ہیں  جس میں سے 62 کیسز مثبت رپورٹ ہوئے، جس کے بعد ملک  میں کورونا کیسز کی مجموعی تعداد15لاکھ26ہزار 728ہو گئی ہے ۔ 

این سی اوسی کے مطابق  ملک بھرمیں کورونا فعال  کیسز کی تعداد9ہزار 406ہوگئی  جبکہ کوروناکے269مریضوں کی حالت تشویشناک ہے ۔ 

ملک میں گزشتہ24گھنٹوں میں81افرادکوروناسےشفایاب ہوچکے، اب تک14لاکھ86ہزار960 مریض کورونا سےصحت یاب ہوچکےہیں۔ 

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔