اینڈریو میکڈونلڈ آسٹریلوی ٹیم کے ہیڈ کوچ مقرر

تفصیلات کے مطابق ا س حوالے سے کرکٹ آسٹریلیا نے تصدیق کی ہے  کہ  سابق کرکٹر اینڈریو میکڈونلڈ کے ساتھ تیینوں فارمیٹس کیلئے  4  برس کا معاہدہ کیا گیا ہے۔

اینڈریو میکڈونلڈ نے کہا ہے کہ اب تک سفر خوشگوار رہا ہے، آسٹریلوی ٹیم کی کوچنگ کرنا اعزاز کی بات ہے۔

سابق ٹیسٹ آل راونڈر اینڈریو میکڈونلڈ 2019 میں آسٹریلوی ٹیم  کے کوچنگ اسٹاف میں شامل ہو ئے تھے۔

خیال رہے کہ 5 فروری 2022ء کو اینڈریو میکڈونلڈ کو جسٹن لینگر کے مستعفی ہونے پر عبوری کوچ مقرر کیا گیا تھا، وہ پاکستان کا تاریخی دورہ کرنے والی آسٹریلوی ٹیم کے کوچ تھے۔

آسٹریلیا نے پاکستان کو ٹیسٹ سیریز میں شکست دی تھی اور قومی ٹیم نے ون ڈے سیریز میں کامیابی حاصل کی تھی  ۔ آسٹریلیا نے لاہور میں ہونے والا  واحد ٹی ٹوئنٹی  میں بھی فتح اپنے نام کی ۔