گورنر بلوچستان نے بھی عہدے سے استعفیٰ دے دیا

تفصیلات کے مطابق گورنر سندھ اور گورنر خیبرپختونخوا کے بعد گورنر بلوچستان سید ظہور آغا نے بھی اپنے عہدے سے استعفیٰ دے دیا ہے۔

ترجمان گورنر ہاؤس کے مطابق گورنر بلوچستان سید ظہور احمد آغا نے اپنا استعفیٰ صدر مملکت عارف علوی کو بھجوا دیا ہے۔

مستعفی گورنر سید ظہور آغا گزشتہ سال 3 جولائی کو گورنر بلوچستان بنے تھے، اور ان کا تعلق پاکستان تحریک انصاف سے تھا۔

واضح رہے کہ وزیر اعظم عمران خان کے خلاف تحریک عدم اعتماد کی کامیابی کے بعد گورنر خیبر پختونخوا اور گورنر سندھ پہلے ہی مستعفی ہو چکے ہیں۔