تحریک انصاف کے مستعفی اراکین خودمختار پاکستان کے لیے ڈٹ کے کھڑے ہیں:عمران خان

سماجی رابطے کی ویب سائیٹ ٹوئیٹر پر جاری اپنے پیغام میں سابق وزیر اعظم عمران خان نے کہا کہ میں اپنےان 123 ممبران قومی اسمبلی کا مشکور ہوں جن کےاستعفے آج اسپیکرقاسم سوری نےمنظور کیے۔

سابق وزیر اعظم نے کہا کہ پی ٹی آئی کے مستعفی اراکین اسمبلی عدالتوں سے سزا یافتہ اور ضمانتوں پر گھومنے والے مجرموں کو اقتدار دلوانےکے لیےامریکی اشارے پر حکومت کی تبدیلی کے خلاف ایک خود مختار پاکستان کے ساتھ ڈٹ کر کھڑے ہیں۔

میں اپنےان 123 MNAs کامشکورہوں جنکےاستعفےٰآج سپیکرقاسم سوری نےمنظورکئے۔ یہ عدالتوں سےسزایافتہ اورضمانتوں پرگھومنےوالےمجرموں کو اقتدار دلوانےکے لئےامریکی اشارےپرحکومت کی تبدیلی،جوعزتِ نفس کی حامل ایک آزادقوم کیلئےآخری درجےکی ہزیمت ہے،کیخلاف ایک خودمختار??کیساتھ ڈٹ کرکھڑےہیں۔

— Imran Khan (@ImranKhanPTI) April 14, 2022

انہوں نے اس عمل کو عزتِ نفس کی حامل کسی بھی آزاد قوم کے لیے آخری درجےکی ہزیمت قرار دیا۔

اپنے ایک اور ٹوئیٹ میں سابق وزیر اعظم عمران خان نے پشاور جلسے کے شرکاء کا شکریہ ادا کیا۔

انہوں نے کہا کہ ہمارے جلسےکو تاریخی اور عظیم الشان بنانے کے لیے پشاور میں نکلنےوالےتمام لوگوں کا تہہ دل سےمشکورہوں۔

سابق وزیر اعظم نے کہا کہ ایک آزاد پاکستان کی حمایت میں اپنے ولولے و ارادے کا اظہار کرنے اورمجرموں کواقتداردلوانےکیے لیے امریکی شہ پرحکومت کی تبدیلی یکسرمسترد کرنے والا یہ مجمع اس امر کا ثبوت ہےکہ قوم کہاں کھڑی ہے۔

Want to thank all those who came to our jalsa in Peshawar making it a mammoth & historic jalsa. The passion & commitment crowd showed in support of an indep sovereign Pak & their total rejection of US-initiated regime change bringing to power criminals, shows where nation stands.

— Imran Khan (@ImranKhanPTI) April 14, 2022