لاہور : نشے کے عادی شخص کی گھر اور سسرال میں فائرنگ ، 6 افراد قتل

آئس کے نشے نے ایک اورگھر برباد کردیا ،اطلاعات کے مطابق   لاہور کے علاقے   کالج روڈ امیر چوک کے قریب   آئس کے نشے میں دھت ملزم عابد نے اندھا دھند فائرنگ کر  کے  والدین، بہن، بھائی ،  خالہ ساس  اور بھانجے کو قتل کردیا ، قتل ہونیوالوں میں ایک بچہ بھی شامل ہے ۔  

قتل ہونےوالوں میں 60 سالہ غلام حسین اور اس کی بیوی آسیہ بی بی، 15 سالہ ہمایوں ،  35 سالہ  راحیلہ بی بی شامل ہیں ۔  

واقعے کی اطلاع ملتے ہی پولیس جائے وقوعہ پر پہنچ گئی  اور فوری کارروائی کرتے ہوئے فائرنگ کرنیوالے ملزم کو گرفتار کر لیا ،   پولیس نے جائے وقوعہ کو سیل کردیا اور اہم شواہد اکٹھے کیے ۔

ابتدائی بیان  کے مطابق  ملزم 5 بہنوں کا اکلوتا بھائی تھا اور جائیدا دکے تنازعہ پر اکثر گھر میں جھگڑارہا کرتا تھا ۔

پولیس کے مطابق ملزم عابد نے پہلے  اپنے گھر والوں اور پھر شیراز ٹاؤن میں واقع سسرال والوں کے گھر فائرنگ کی، جس کے نتیجے میں اس کی ساس شگفتہ بی بی جاں بحق ہوگئی جبکہ سسراور دو خواتین  زخمی ہیں  ۔ 

آئی جی پنجاب راؤ سردار علی خان نے فائرنگ  کے واقعہ کا نوٹس لے لیا ، آئی جی پنجاب نے قائم مقام سی سی پی او لاہور سے واقعہ کی رپورٹ طلب کرلی ۔ پولیس کی جانب سے مزید تحقیقات کی جارہی ہیں ۔