وزیراعظم ہاؤس کو پاکستان ہاؤس بنائیں گے:شہباز شریف

اتحادی جماعتوں کے قائدین اور ممبرانِ اسمبلی کے اعزاز میں دیے دیے افطار ڈنر سے خطاب میں وزیراعظم شہباز نے کہا کہ وزیر اعظم ہاؤس کو پاکستان ہاؤس بنائیں گے، جہاں صوبوں کے افسران موجود ہوں گے اور اس کشتی کو پار لگائیں گے۔

انہوں نے کہا کہ قومی مفادات کے تمام اہم امور میں مشاورت سے آگے بڑھا کائے گا اور عوام کی فلاح کے لیے تمام اقدامات اٹھائے جائیں گے۔

اپنی گفتگو میں وفاقی کابینہ سے متعلق بات کرتے ہوئے انہوں نے کہا کہ کابینہ جلد حلف اٹھائے گی جبکہ اتحادیوں نے وزیراعظم شہبازشریف کی قیادت پراعتماد کا اظہار کیا۔

ان کا کہنا تھا کہ کابینہ کا اعلان دو مرحلوں میں ہو گا، کابینہ کے پہلے مرحلےکا اعلان جلد کیا جائے گا جبکہ دوسرے کا چند دن میں ہوگا۔

ان کا کہنا تھا کہ وہ اتحادیوں کے ساتھ مل کر ملک کو مشکل حالات سے نکالیں گے۔ہماری تمام تر توانائیاں عوامی خوشحالی اور پاکستان کی تعمیر پر خرچ ہوں گی۔

اسی کے ساتھ انہوں پیٹرولیم مصنوعات کی قیمتوں میں اضافے کی سمری مسترد کوتے ہوئے موجودہ قیمتیں بحال رکھنے کا بھی اعلان کیا۔