پنجاب اسمبلی کے اجلاس کا ایجنڈا جاری

تفصیلات کے مطابق پنجاب اسمبلی کے آج 16 اپریل کو ہونے والے اجلاس کا ایجنڈا جاری کر دیا گیا ہے۔

ایجنڈے کے مطابق اجلاس صبح ساڑھے 11 بجے ہوگا جس کی صدارت ڈپٹی اسپیکر دوست محمد مزاری کریں گے۔

بتایا گیا ہے کہ اجلاس میں آئین کے آرٹیکل 130 کے تحت وزیراعلیٰ پنجاب کا انتخاب ہوگا۔

واضح رہے کہ پنجاب کی وزارت اعلیٰ کے لیے حمزہ شہباز مسلم لیگ ن اور اتحادی جماعتوں کے امیدوار ہیں جبکہ پی ٹی آئی اور مسلم لیگ ق کے متفقہ امیدوار چوہدری پرویز الٰہی ہیں۔

پنجاب اسمبلی میں وزیر اعلیٰ بننے کے لیے کسی بھی امیدوار کے لیے 186 ووٹ حاصل کرنا ضروری ہوتے ہیں۔

اس ضمن میں چودھری پرویز الٰہی نے 189 اراکین جبکہ حمزہ شہباز شریف نے 200 سے زائد اراکین اسمبلی کی حمایت کا دعویٰ کیا ہے۔