راجہ  پرویزاشرف اسپیکرقومی اسمبلی منتخب

تفصیلات کے مطابق پینل آف دی چیئر ایازصادق کی زیر صدارت قومی اسمبلی کا اجلاس شروع ہوا۔  پینل آف چیئر سردار ایاز صادق نے راجہ پرویز اشرف کے اسپیکر قومی اسمبلی منتخب ہونے کا اعلان کرتے ہوئے ان سے حلف لیا۔ 

وزیر اعظم شہباز شریف نے اسمبلی میں اظہار خیال کرتے ہوئے کہا کہ  کہ اس سے قبل اتنی نااہل حکومت کبھی نہیں آئی جتنی عمران خان کی حکومت تھی۔ اس وقت پورے ملک میں لوڈشیڈنگ کا سلسلہ جاری ہے جبکہ 35 میگا واٹ بجلی پیدا کرنے کی صلاحیت موجود ہے جو پورے ملک کے لیے کافی ہے۔

انہوں نے کہا کہ تحریک عدم اعتماد کے ذریعے جانے والی حکومت نے بجلی کی مینجمنٹ پر کوئی توجہ نہیں دی اور نئے پلانٹس گیس اور تیل کی کمی کے باعث بند پڑے ہیں۔ 

وزیراعظم شہبازشریف نے  ڈپٹی اسپیکر پنجاب اسمبلی پر ایوان میں ہونے والے حملے کی بھی  مذمت کی ۔ قومی اسمبلی میں خطاب کرتے ہوئے انہوں نے تحریک انصاف کو فسطائی قرار دیتے ہوئے کہا کہ اس سے ظاہر ہے کہ اس کے اثرات کتنے گہرے ہیں۔

ایوان میں وزیر اعظم شہباز شریف، سابق صدر آصف علی زرداری، چیئرمین پیپلز پارٹی آصف علی زرداری سمیت اتحادی جماعتوں کے سربراہ اور اراکین اسمبلی  موجود ہیں ۔ راجہ پرویز اشرف نے پاکستان تحریک انصاف (پی ٹی آئی) کے منحرف اراکین سے ان کی نشست پر ملاقات کی۔