آئین کی خلاف ورزی کرنے والوں کیلئے جیل کے دروازے کھلیں گے، مریم اورنگزیب

اسلام آباد: وفاقی وزیر اطلاعات مریم اورنگزیب نے کہا ہے کہ آئین کی خلاف ورزی کرنے والوں کے لیے جیل کے دروازے کھلیں گے۔

وفاقی وزیر اطلاعات مریم اورنگزیب نے سماجی رابطے کی ویب سائٹ ٹوئٹر پر لکھا کہ وزیر اعلیٰ پنجاب حمزہ شہباز نے حلف اُٹھا لیا ہے اور اب آئین کی خلاف ورزی کرنے والوں کے لیے جیل کے دروازے کھلیں گے۔ انہوں نے کہا کہ آئین اور قانون کو مذاق بنا کر رکھ دیا گیا ہے۔ فریقین کو سنا جا سکتا ہے لیکن آئین شکنوں کو نہیں۔

روؤ،چیخوں یا پٹو وزیراعلی پنجاب حمزہ شہباز نے حلف اُٹھا لیا ہے الحمدللّٰہ آئین ،پارلیمنٹ اور عدالتوں کے خلاف غنڈہ گردی کرنے والوں کے لئے صرف جیل کے دروازے کھلیں گے آئین اور قانون کو غنڈہ گردوں نے مذاق بنا کر رکھ دیا.فریقین کو سنا جا سکتا ہے غنڈوں بد معاشوں اور آئین شکنوں کو نہیں https://t.co/pclWskIz8Q

— Marriyum Aurangzeb (@Marriyum_A) April 30, 2022