امیر جماعت کا ملک میں عام انتخابات کروانے کا مطالبہ

تفصیلات کے مطابق امیر جماعت اسلامی سراج الحق نے ملک میں عام انتخابات کروانے کا مطالبہ کرتے ہوئے کہا کہ جماعت اسلامی کا مؤقف یہی ہے کہ متناسب نمائندگی پر الیکشن ہوں۔

پشاور میں مجمع عام سے خطاب کرتے ہوئے امیر جماعت نے کہا کہ نظام اسی طرح موجود ہے، صرف چوکیدار بدلا ہے، چوکیدار کے بدلنے سے نظام نہیں بدلے گا۔

انہوں نے کہا کہ جس قوم کی معیشت غلام ہو وہ کبھی بھی کامیاب نہیں ہو سکتی، جو سمجھتے تھے کہ پی ڈی ایم کے آنے سے انقلاب آئے گا وہ جان لیں ان سب کی شکلیں ہم نے بار بار دیکھی ہیں۔

اپنے خطاب میں انہوں نے عام انتخابات کا مطالبہ کرتے ہوئے کہا کہ روٹی کپڑا مکان اور تبدیلی کے نعرے بھی سود مند ثابت نہیں ہوئے، ملک پر مافیا قابض ہے جس کی جائیدادوں میں اضافہ ہو رہا ہے، عوام کے لیے کچھ بھی نہیں ہے۔