65 برس سے زائد عمر کے افراد حج کے اہل نہیں ہوں گے

تفصیلات کے مطابق سعودی وزارت حج و عمرہ نے رواں سال حج کے لیے نئے قواعد و ضوابط جاری کرتے ہوئے کہا ہے کہ 65 سال سے زائد عمر کے افراد حج کرنے کے اہل نہیں ہوں گے۔

سعودی وزارت حج و عمرہ کی جانب سے جاری بیان کے مطابق صرف حج ویزہ پر گئے ہوئے غیر ملکیوں کو سنتِ ابراہیمی ادا کرنے کی اجازت ہوگی، وزٹ ویزہ یا ٹوور ویزہ حج کے لیے کارآمد نہیں ہوں گے۔

مزید برآں وزارت کی جانب سے تمام حجاج کے لیے ویکسین سرٹیفکیٹ لازمی قرار دیا گیا ہے جبکہ عمر کی زیادہ سے زیادہ حد 65 برس مقرر کی گئی ہے۔