نو ن لیگ کا اہم اجلاس ، وزیراعظم وفد کے ہمراہ لندن پہنچ گئے

تفصیلات کے مطابق ذرائع کا کہنا ہے کہ وزیراعظم شہباز شریف کے ساتھ وفاقی وزرا احسن اقبال،ایازصادق،  مریم اورنگزیب، خواجہ سعد رفیق، خواجہ آصف اور خرم دستگیر بھی لندن روانہ ہوئے ہیں۔

لیگی وفد آج اور کل لندن میں پارٹی اجلاسوں میں شرکت کرے گا ، وزیراعظم اور لیگی وزراء  نواز شریف کو مبارکباد دیں گے ۔ 

مسلم لیگ (ن) کے ذرائع کا کہنا ہے کہ نواز شریف کو پارٹی رہنماؤں سے بعض معاملات پر مشاورت کرنی ہے ، نون لیگ کے اجلاسوں میں اہم فیصلے بھی متوقع ہیں ۔

ذرائع کے مطابق ن لیگ کے قائد میاں نواز شریف آئندہ کی سیاسی حکمت عملی بھی دیں گے ، اگلے بجٹ اور عام انتخابات کے حوالے سے بھی ن لیگ مشاورت کرے گی  جبکہ آئندہ الیکشن، پنجاب کابینہ اور پاور شیئرنگ سے متعلق اہم فیصلے کیے جانے کا امکان ہے۔

ذرائع کاکہنا ہے کہ  لیگی وفد جمعے کو واپس وطن پہنچے  گا۔