کراچی کے علاقے صدر میں زور دار دھماکہ

نمائندہ جی این این نیوز کے مطابق کراچی کے مصروف ترین کاروباری علاقے صدر میں ایک کچرا کنڈی پر دھماکے کے نتیجے میں 1شخص جاں بحق ہوگیا اور 8 افراد زخمی ہوئے، جبکہ آس پاس کھڑی ہوئیں کئی گاڑیاں تباہ ہو گئیں۔

دھماکے میں 1 شخص ہلاک اور 13 افراد کے زخمی ہونے کی اطلاعات ہیں۔ زخمیوں کو جناح اسپتال منتقل کیا گیا ہے۔

اسپتال ذرائع کے مطابق جاں بحق شخص کے جسم پر بال بیئرنگ کے زخم ملے ہیں جس سے یہ بات ثابت ہوتی ہے کہ یہ بم دھماکا تھا جس میں بال بیئرنگز استعمال کیے گئے۔

 پولیس کے مطابق دھماکہ مرشد بازار کے قریب ایک بیکری اور ہوٹل کے باہر ہوا جہاں رات کے اس پہر کافی چہل پہل ہوتی ہے۔

پولیس کا کہنا ہے کہ صدر میں ہونے والا دھماکا پلانٹڈ ڈیوائس کے ذریعے کیا گیا۔ دھماکا ایک کچرا کنڈی میں ہوا جس کے بعد وہاں آگ لگ گئی اور آس پاس کھڑی ہوئیں کئی گاڑیاں تباہ ہو گئیں۔ دھماکے سے قریبی ہوٹلوں اور رہائشی عمارتوں کے شیشے ٹوٹ گئے ۔

وزیراطلاعات سندھ

وزیراطلاعات سندھ شرجیل انعام میمن نے میڈیا سے گفتگو کرتے ہوئے کہا کہ افسوسناک دھماکے میں 3 افراد زخمی ہوئے ہیں جب کہ وزیراعلیٰ سندھ نے شہر بھر کے اسپتالوں میں ایمرجنسی نافذ کر کے زخمیوں کو مکمل طبی امداد فراہم کرنے کی ہدایت کی ہے۔