اسرائیل کو تسلیم کرنے پر عمران خان کا مؤقف تا حیات اٹل رہے گا

سابق ڈپٹی اسپیکر قومی اسمبلی قاسم خان سوری نے سماجی رابطے کی ویب سائیٹ ٹوئیٹر پر جاری پیغام میں اسرائیل سے متعلق پاکستان تحریک انصاف کے مؤقف کی وضاحت کی ہے۔

اپنے ٹوئیٹ میں انہوں نے لکھا کہ اسرائیل کو تسلیم کرنے پر عمران خان اور پاکستان تحریکِ انصاف کی حکومت کا مؤقف پہلے دن سے ہی اٹل تھا اور تا حیات رہے گا۔

اپنے پیغام میں انہوں نے دو ٹوک الفاظ میں کہا کہ فلسطین کی آزادی تک ہم کبھی بھی اسرائیل کو ایک ملک کے طور پر تسلیم نہیں کریں گے۔

اسرائیل کو تسلیم کرنے پر عمران خان اور پاکستان تحریکِ انصاف کی حکومت کا موقف پہلے دن سے ہی اٹل تھا اور تا حیات رہے گے کہ "فلسطین کی آزادی تک ہم کبھی بھی اسرائیل کو نہ ہی کوئی ملک تسلیم کریں گے اور نہ ہی اسرائیل سے کبھی کسی قسم کے تعلقات رکھیں گے۔"
قومی اسمبلی میں میری رولنگ ⬇️ pic.twitter.com/PfHNXXcAGZ

— Qasim Khan Suri (@QasimKhanSuri) May 16, 2022

انہوں نے اسرائیل کے معاملے پر قومی اسمبلی میں اپنی رولنگ کا حوالہ دیتے ہوئے کہا کہ فلسطین کی آزادی تک ہم اسرائیل سے کسی قسم کے تعلقات نہیں رکھیں گے۔