اليکشن کميشن نےمنحرف اراکین سے متعلق فیصلہ سنانےکا اعلان واپس لےلیا

میڈیا رپورٹس کے مطابق الیکشن کمیشن آف پاکستان نے منحرف اراکین کی نااہلی سے متعلق محفوظ کیا گیا فیصلہ بدھ کے روز دن 12 بجے سنانے کا اعلان کیا تھا جو کہ اب نہیں سنایا جائے گا۔

بتایا گیا ہے کہ الیکشن کمیشن آف پاکستان نے 18 مئی کی کاز لسٹ سے منحرف اراکین پنجاب اسمبلی کا فیصلہ ہٹا کر نئی کاز لسٹ جاری کر دی ہے۔

الیکشن کمیشن کے ذرائع کا کہنا ہے کہ الیکشن کمیشن منحرف اراکین اسمبلی سے متعلق فیصلہ کل ہی سنا سکتا ہے، اور اس ضمن میں اضافی کاز لسٹ بھی جاری کی جا سکتی ہے۔