حکومت کا غیر ضروری اور لگژری اشیاء کی درآمد پر مکمل پابندی کا فیصلہ

ذرائع  کے مطابق وزیرِ اعظم شہباز شریف کی زیرِ صدارت اجلاس ہوا ، جس میں ملک کی معاشی صورتحال کا جائزہ لیا گیا ۔  معاشی بحران سے نمٹنے کیلئے وزیراعظم شہباز شریف نے لگژری اور غیر ضروری اشیاء کی امپورٹ پر پابندی لگا دی  ، اس فیصلے کا اطلاق فوری طور پر ہوگا ۔ 

وزیراعظم کاکہنا ہے کہ  غیر ضروری و لگژی اشیاء  کی درآمد پر قیمتی زرِ مبادلہ خرچ نہیں ہونے دینگے۔ 

ذرائع کے مطابق غیر ضروری آئٹمز کی امپورٹ پر پابندی سے روپےکی قدر میں مزید کمی نہیں ہوگی ، وزیراعظم نےامپورٹ ایکسپورٹ بل میں فرق کی وجہ سے پابندی عائد کی ہے۔