Advertisement
پاکستان

مریم نواز کے خلاف قابل افسوس زبان درازی پر خواتین پرزور مذمت کریں:وزیر اعظم

اسلام آباد:وزیر اعظم شہباز نے کہا ہے کہ بیٹی مریم نواز شریف کے خلاف قابل افسوس زبان درازی پر پوری قوم خاص طور پر خواتین پرزور مذمت کریں۔

GNN Web Desk
شائع شدہ 4 سال قبل پر مئی 21 2022، 2:48 صبح
ویب ڈیسک کے ذریعے
مریم نواز کے خلاف قابل افسوس زبان درازی پر خواتین پرزور مذمت کریں:وزیر اعظم

سماجی رابطے کی ویب سائیٹ ٹوئیٹر پر جاری پیغام میں وزیر اعظم شہباز نے چیئرمین تحریک انصاف عمران خان کے مریم نواز سے متعلق بیان پر رد عمل کا اظہار کرتے ہوئے کہا کم ظرفی کے اظہار سے ملک و قوم کے خلاف آپ کے جرائم چھپ نہیں سکتے۔

انہوں نے کہا کہ مسجد نبوی ﷺ کی حرمت و ناموس کا پاس نہ کرنے والوں سے ماؤں، بہنوں، بیٹیوں کی عزت و تکریم کی کیا توقع ہوسکتی ہے۔

وزیر اعظم نے مزید کہا کہ تاریخ کا پہلا شخص ہے جو ایک جماعت کے سربراہ کے طور پر بدتہذیبی کے اس پاتال میں جا گرا ہے، قوم بنانے نکلے تھے اور قوم کے اخلاق کو ہی بگاڑ دیا۔

واضح رہے کہ سابق وزیر اعظم عمران خان ملتان جلسے میں مریم نواز کو بار بار ان کا نام لینے سے منع کیا ہے، انہوں نے کہا کہ مریم نواز اتنے جذبے اور شدت سے میرا نام مت لیا کرو، کہیں تمہارے شوہر کو برا نہ لگ جائے۔

Advertisement
رجحانات
Advertisement