ڈونلڈلو کے استعفے کا مطالبہ، مریم نواز کا عمران خان کے بیان پر طنزیہ رد عمل

سماجی رابطے کی ویب سائیٹ ٹوئیٹر پر جاری پیغام میں مریم نواز نے سابق وزیر اعظم کے ڈونلڈ لو سے استعفے کے مطالبے پر کہا ہے کہ ''اب يہ امريکی حکومت سے استعفے مانگے گا، پھر وائٹ ہاؤس کے سامنے دھرنا دے گا''۔ انہوں نے اپنے ٹوئیٹ میں لافٹر اموجی کا استعمال بھی کیا۔

واضح رہے کہ سی این این کی خاتون نمائندہ بیکی اینڈرسن سے ایک انٹرویو میں گفتگو کرتے ہوئے سابق وزیر اعظم عمران خان نے ڈونلڈ لو کی برطرفی کا مطالبہ کیا ہے۔

انہوں نے کہا کہ پاکستان کے اندرونی معاملات میں بھرپور مداخلت کی گئی، ڈونلڈ لو کو برطرف کرنا چاہیے، ڈونلڈ لو کی ملاقات سے پہلے امريکی سفارت کار ہمارے ممبران اسمبلی سے مل رہے تھے، انہیں ہماری پارٹی کے ‘بیک بینچرز’ ممبران سے ملنے کی کیا ضرورت تھی؟۔