سینیگال : ہسپتال میں آتشزدگی ، 11 نومولود ہلاک 

غیرملکی خبر ایجنسی  کے مطابق دارالحکومت ڈاکار سے تقریباً 120 کلومیٹر مشرق میں واقع قصبے Tivaouane کے ایک  ہسپتال کے بچہ وارڈ  میں آگ لگنے سے 11 نوزائیدہ بچے ہلاک ہو گئے۔

خبر ایجنسی کے مطابق اسپتال میں آگ شاٹ سرکٹ کےباعث لگی۔

سینیگال کے صدر میکی سال  نے  سماجی رابطے کی ویب سائٹ  ٹویٹر پر واقعے پر افسوس کا اظہار کرتے ہوئے ہلاک بچوں کےاہلِ خانہ سے اظہارِ تعزیت کیاہے۔ 

سینیگال  میں دو ماہ سے بھی کم عرصے میں ہسپتال میں آتشزدگی  کا یہ دوسرا واقعہ ہے جس میں  معصوم بچوں کی ہلاکتیں ہوئیں ۔

اس سے قبل اپریل میں لنگوئیر کے ایک ہسپتال کے میٹرنٹی وارڈ میں اے سی کی خرابی  کے باعث آگ بھڑک اٹھی تھی جس سے چار نوزائیدہ بچے جان کی بازی ہار گئے تھے ۔