یوم تکبیر وطن کے دفاع کیلئے پاکستانی قوم کے عزم کااعادہ کرتا ہے : دفتر خارجہ

ملک بھر میں آج یوم تکبیر جوش و جذبے سے منایا جارہاہے۔ اس حوالےسے دفتر خارجہ کا کہنا ہے کہ پاکستان کسی بھی جارحیت کا سامنا کرنے کے لیے اپنی ایٹمی صلاحیت برقرار رکھے گا ۔

ترجمان دفتر خارجہ  عاصم افتخارکا کہنا ہے کہ یوم تکبیر وطن کے دفاع کے لیے پاکستانی قوم کے عزم کا اعادہ کرتا ہے ۔ آج جنوبی ایشیا میں اسٹرٹیجک توازن برقرار رکھنے کے عزم کا دن ہے۔

ان  کا کہنا ہے کہ پاکستان کسی بھی جارحیت کا سامنا کرنے کے لیے اپنی صلاحیت برقرار رکھے گا ،‎ ‎جنوبی ایشیا میں خطرات سے بچنے کے لیے سٹرٹیجک رسٹینٹ رجیم معاہدہ کی پیشکش بہت اہم ہے۔

واضح رہے کہ پاکستان میں آج  یوم تکبیر منایا جارہا ہے، 24 برس قبل اسی روز پاکستان نے بھارتی ایٹمی دھماکوں کے جواب میں اپنی جوہری طاقت کا مظاہرہ کیا تھا۔