کانز فیسٹیول : پاکستان کی پہلی فلم ’جوائے لینڈ‘ نے ایوارڈ جیت لیا

پاکستانی ہدایت کار، لکھاری و اداکار صائم صادق کی مختصر فلم ’جوائے لینڈ‘  نے  کانز فیسٹول  میں"  ان سرٹن ریگارڈ کیٹگری "میں جیوری پرائزجیتا ہے ، جس کو اس فیسٹول کا دوسرا سب سے باوقارایوارڈ سمجھا جاتا ہے ۔

یہ پاکستان کی پہلی فلم تھی جس کو کانز فیسٹیول میں سکرین کیا گیا ،  ’جوائے لینڈ‘ کا ورلڈ پریمیئر پیر کو ہوا تھا جس میں فلم کی کاسٹ ریڈ کارپٹ پر جلوہ گر ہوئی ۔  پروڈیوسر سرمد کھوسٹ اور اپوروا چرن کی اس فلم کی کاسٹ میں ثروت گیلانی، ثانیہ سعید، علی جونیجو، علینہ خان، سفینہ جعفری شامل ہیں۔

اس فلم کی کہانی ایک خواجہ سرا کی زندگی کے گرد گھومتی ہے۔کانز فلم فیسٹول میں فیچرز فلموں کی کیٹیگری صرف 14 فلموں تک محدود ہوتی ہے۔ 

اس سے قبل 23 مئی کو فلم کی اسکریننگ کے موقع پرشرکاء اپنی نشستوں پرکھڑے ہوکرتالیاں بجاتے ہوئے سراہا تھا۔

یاد رہے کہ صائم صادق کی 2019 کی شارٹ فلم ’ڈارلنگ‘ وینس اور ٹورنٹو فلم فیسٹیول میں نمائش کے لیے پیش کی گئی تھی۔

دنیا کے سب سے بڑے فلمی میلے کا اعزاز رکھنے والے کانز فیسٹیول کا آغاز 17 مئی سے ہوا تھا اور میلہ 28 مئی تک جاری رہے گا۔