کھلاڑی کوہمیشہ اچھی پرفارمنس پر توجہ دینی چاہئیے : بابر اعظم 

قومی کرکٹ ٹیم کے کپتان بابر اعظم نے میڈیا سے گفتگو میں کہا کہ کل سے کیمپ کا آغاز ہو رہا ہے جس کے لیے پرجوش ہوں اور ویسٹ انڈیز کے خلاف سیریز جیتنا چاہتے ہیں ،  رضوان پر پورا اعتماد ہے کہ وہ اچھی کارکردگی دکھائے گا۔ 

بابر اعظم نے کہا کہ  اچھی ٹیم تسلسل کے ساتھ ہی کھیلتی ہے اور ٹیم نے ماڈرن کرکٹ میں خود کو منوایا ہے ، مثبت کرکٹ کھیلنے کی کوشش کریں گے اور بطور کھلاڑی نمبر ون پر آنا خواب ہوتا ہے ۔

انہوں نے کہا کہ محمد رضوان ٹیم میں اچھا سپورٹ دے رہے ہیں او ہم اس وقت ویسٹ انڈیز کے خلاف سیریز کے لیے تیاری کر رہے ہیں۔ شان مسعود اوپر کھیلتا ہے اسے اوپر ہی کھلایا جائے گا۔

بابر اعظم  نے کہا کہ پہلے وائٹ بال کا کیمپ لگا تھا اب ریڈ بال کا لگ رہا ہے اور اب ہم سخت گرم موسم میں کھیلنے کے لیے تیاری کر رہے ہیں۔ ہم نے بہترین فارمیٹ میں کارکردگی دکھانی ہے۔

کپتان قومی کرکٹ ٹیم نے کہا کہ کورونا کے بغیر کرکٹ ہوگی کافی خوشی کی بات ہے ، 2 ماہ کا آف ملا تھا اور پھر ہماری بین الاقوامی کرکٹ شروع ہوئی ،  بہترین ٹیم کو ساتھ لے کر چلنے کی کوشش کریں گے اور اچھی ٹیم تسلسل کے ساتھ ہی کھیلتی ہے جبکہ ٹیم بنانے کے لیے تو مسلسل موقع لینا ہوتا ہے۔