حکومت جاپان کے ساتھ تعلقات کو مزید وسعت دینے کیلئے پرعزم ہے : وزیراعظم 

تفصیلات کے مطابق  وزیراعظم  شہبازشریف نے اسلام آباد میں جاپانی سرمایہ کاروں سے ملاقات  کی ، دوران ملاقات وزیراعظم نے کہا کہ  جاپان کا شمار  پاکستان کے لیے بڑے ڈونر ملکوں میں  ہوتا ہے اور جاپان  پاکستان میں اہم منصوبوں میں معاونت کورہا ہے۔ 

انہوں نے کہا کہ  90کی دہائی تک پاکستان میں بہت سی جاپانی کمپنیاں کام کر رہی تھیں، پاکستان میں گاڑیوں کی صنعت سے ہزاروں افراد نے روزگار حاصل کیا، 2016میں سوزوکی کمپنی کے ساتھ مثبت مذاکرات ہوئے۔

وزیراعظم شہبازشریف  نے کہا کہ جاپان نےجس طرح پہلی جنگ کے بعد ترقی کی وہ قابل تعریف ہے، ذاتی طور پر جاپانی لوگوں کے کاروباری اصولوں کے بلند معیارسے آگاہ ہوں، چاپان نے انتھک محنت سے ترقی کی منازل طے کی ہیں ، جاپان نے سیاسی وابستگی سے بالاتر ہو کر پاکستان کی مدد کی۔

ان کا مزید کہنا تھا کہ گزشتہ سات دہائیوں میں جاپان کی جانب سے پاکستان کو 13 ارب ڈالر کی خطیر رقم دی گئی۔

وزیراعظم  نے کہا کہ پاکستان اور جاپان کے تعلقات کو مزید وسعت دینے کیلئے پرعزم ہیں، تجارت کے فروغ کی راہ میں حائل رکاوٹیں دور کی جائیں گی ۔