کورونا کیسز سامنے آنے کے بعد سکول بند

سی ای ا و ایجوکیشن کے مطابق کہ  6 طالبات میں کورونا کی تشخیص ہوئی ، جس کے بعد انہیں محکمہ صحت کی ہدائت پر قرنطینہ کردیا گیا ہے۔ انہوں نے کہا کہ کرونا وائرس ٹیسٹ مثبت آنے پر سکول کو سیل کر دیا گیاجبکہ دیگر طالبات سمیت عملے کے سیمپل لینے کا سلسلہ جاری ہے، دوسری جانب کورونا کیسیز کے باعث حافظ آباد کے3 دیہاتوں میں سمارٹ لاک ڈائون بھی جاری ہے۔ 

واضح رہے کہ وفاقی وزیرِ تعلیم شفقت محمود نے 18 جنوری سے تعلیمی ادارے مرحلہ وار کھولنے کا اعلان کیا تھا ، جس کے بعد18 جنوری سے نویں سے 12 ویں جماعت تک کی کلاسیں کھولی گئی تھیں ، جبکہ باقی تمام جماعتیں اور ہائر ایجوکیشن کے ماتحت تعلیمی ادارے یکم فروری سے کھلیں گے ۔