جب سےکرائم منسٹر کاکرپٹ بیٹا پنجاب پر قابض ہے، صوبہ سیاسی انتشار کی زد میں ہے:عمران خان

تفصیلات کے مطابق سابق وزیر اعظم عمران خان نے کہا کہ جب سے ڈھونگ انتخاب کے ذریعے کرائم منسٹر کا کرپٹ بیٹا صوبہ پنجاب میں غیرقانونی طورپراقتدار پر قابض ہواہے، تب سے ملک کا سب سے زیادہ آبادی والا یہ صوبہ مکمل سیاسی انتشار کی زد میں ہے۔

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم نے کہا کہ لوگ مشکلات کا شکار ہیں،کسانوں کی فصلیں خطرے میں ہیں، حکومت کی بجائے ہرطرف مجرم مافیا دندناتا دکھائی دے رہا ہے۔

انہوں نے کہا کہ پولیس اور مقامی انتظامیہ بھی اس مافیا سےمل چکےہیں اور انہوں نے تحریک انصاف کے پرامن کارکنان، رہنماؤں اور ان کے اہلِ خانہ پر جبر و دہشت کے پہاڑ توڑے ہیں۔

Ever since Imported Crime Minister's corrupt son illegally grabbed power in Punjab thru a farcical election there is complete political anarchy in Pak's most populous province. People suffering, farmers crops under threat, no governance in sight just a criminal mafia running riot

— Imran Khan (@ImranKhanPTI) June 15, 2022

سابق وزیر اعظم نے مزید کہا کہ اب ان کا خیال ہے کہ وہ عوام کی منتخب قیادت کو جوابدہ نہیں، ہم اس انتشار اور مجرم راج کےتسلسل کی کسی طور بھی اجازت نہیں دے سکتے۔