سندھ میں اس بار تحریک انصاف کی حکومت بناؤں گا:عمران خان

تفصیلات کے مطابق سینیئر اینکر پرسن کو دیے گئے ایک انٹرویو میں سابق وزیر اعظم عمران خان نے کہا کہ حکومت میں آیا تو پہلے دن سے انہیں کہا کہ این آر او نہیں دوں گا، پرویز مشرف نے ان لوگوں کو این آر او اپنی کرسی بچانےکے لیےدیا۔

ایک سوال کے جواب میں سابق وزیر اعظم نے کہا کہ ڈی جی آئی ایس آئی وزیراعظم کے ساتھ براہ راست رابطے میں ہوتےہیں، ان کے علاوہ کسی اور جنرل کو نہیں جانتا تھا، آرمی چیف کی تعیناتی کے لیے نوازشریف اور زرداری پریشان ہوتےہیں،یہ لوگ کرپشن کرتےہیں اور چاہتے ہیں کوئی آرمی چیف ان کے ساتھ کھڑا رہے، یہ پاک فوج کو بھی پولیس بنایاجائے۔

انہوں نے کہا کہ اپنی کرپشن چھپانے کے لیے یہ لوگ ادارے تباہ کر تے ہیں، ایف اے ٹی ایف پر قانون سازی سے پہلے ان لوگوں نے این آر او کا مطالبہ کیا۔

عمران خان نے کہا کہ مجھے نکالنے کے بعد جب عوام باہر نکلے تو ان لوگوں نے میرے خلاف پلان بی بنایا،خفیہ کمرے میں ہونے والے اجلاس سےمتعلق ایک ویڈیو ریکارڈ کی ہے،ویڈیو میں سب بتایا ہے کہ سازش میں کون کون ملوث ہیں، ویڈیو محفوظ جگہ پر ہے۔

سابق وزیر اعظم نے کہا کہ پاکستان میں ن لیگ اور پیپلزپارٹی نے خاندانی سیاست کی ہے، زرداری نے بلاول اور نوازشریف نے مریم نواز کو سیاست کیلئے تیارکیا ہے، ان کی وجہ سے پاکستان میں جمہوری عمل نہیں چل سکا، یہ خوف کی سیاست کرتے ہیں، مخالفین پر جھوٹے مقدمے کرتے ہیں، اپنے خلاف نکلنے والوں کو دھمکاتے ہیں۔