پناہ گزینوں کاعالمی دن آج منایا جا رہا ہے

دنیا بھر میں اس دن  کو منانے  کاایک مقصدپناہ گزینوں کے بارے میں احساس اورآگہی پیدا کرنابھی ہے تاکہ اپنی زندگیوں کی بحالی کے لئے ان کے بلندحوصلے کواجاگرکیاجائے۔

رواں برس اس دن کاموضوع ہے '' پناہ کا حصول ایک انسانی حق ہے وہ جہاں سے بھی آئے ہوں، جبری طورپرگھرچھوڑ کر آنے والے لوگوں کوخوش آمدیدکہاجائے''۔ 

پناہ گزینوں کے بارے میں اقوام متحدہ کے ہائی کمیشن کے تازہ اعدادوشمارکے مطابق پاکستان بدستورپناہ گزینوں کی میزبانی کرنے والے دنیا کے بڑے ممالک میں سے ایک ہے جو اپنے ملکوں سے نقل مکانی کرنے والے چودہ لاکھ افرادکوتحفظ فراہم کررہاہے۔

ان میں زیادہ ترافغان پناہ گزین ہیں جن کے پاس رجسٹریشن کاثبوت موجود ہے ان کے علاوہ ایک چھوٹی تعداددیگرممالک کے پناہ گزینوں اورپناہ طلب کرنے والوں کی ہے جن میں میانمار، یمن،صومالیہ اور شام شامل ہیں۔

پاکستان چاردہائیوں سے زیادہ عرصے سے پناہ گزینوں کی قابل تعریف میزبانی کررہاہے۔