انگلینڈ کرکٹ ٹیم  ستمبر میں پاکستان کا دورہ کرے گی 

ذرائع  کے مطابق پاکستان کرکٹ بورڈ ( پی سی بی)  اور انگلش بورڈ کے درمیان میچز پر اتفاق ہوگیا ہے ۔ دونوں بورڈز کے درمیان سیریز کے شیڈول پر بات چیت آخری مراحل میں پہنچ گئی ہے اور سیریز کو کامیاب بنانے کے لیے ورکنگ کمیٹی قائم کردی گئی۔ ورکنگ کمیٹی میں انتظامات کا جائزہ لیا جائے گا ۔

ذرائع کے مطابق پاکستان انگلینڈ کرکٹ سیریز پندرہ ستمبر سے دو اکتوبر تک کھیلی جائے گی ، انگلینڈ کی ٹیم  7 ٹی 20 میچز کھیلے گی۔  سیریز کے لیے میچز لاہور ، راولپنڈی اور ملتان میں کروانے پر غورکیا جارہا ہے ۔ 

واضح رہے کہ انگلینڈ کی کرکٹ ٹیم 17سال بعد پاکستان کا دورہ کرے گی ،  انگلینڈ کا 2005 کے بعد یہ پہلا دورہ پاکستان ہے۔